UDF hartal in Wayanad കൽപ്പറ്റ: വന്യജീവി ആക്രമണങ്ങൾ തുടർക്കഥയാകുന്നു സാഹചര്യത്തിൽ നാളെ വയനാട്ടിൽ യു ഡി എഫ് ഹർത്താൽ. രൂക്ഷമായ വന്യജീവിയാക്രമണം ഉണ്ടായിട്ടും നടപടിയുണ്ടാകാത്ത സാഹര്യത്തിലാണ് ഹർത്താലിന് ആഹ്വാനം ചെയ്തിരിക്കുന്നത്. നടപടി ഐക്യ ജനാധിപത്യ മുന്നണി വയനാട് ജില്ലാ കമ്മിറ്റിയുടേതാണ്. ദിവസംപ്രതിയാണ് ജില്ലയിൽ വന്യജീവി ആക്രമണത്തിൽ ജീവനുകൾ പൊലിയുന്നത്. ഇതിലെ സർക്കാർ നിലപാടിൽ പ്രതിഷേധിച്ചാണ് ഹർത്താലെന്ന് യു ഡി എഫ് ജില്ലാ ചെയർമാൻ കെ കെ അഹമ്മദ് ഹാജി പറഞ്ഞു.
Also Read:https://www.buddsmedia.com/pc-chacko-resigns-as-ncp-state-president/
രണ്ടുദിവസത്തിനിടെ രണ്ടുപേര്‍ കാട്ടാന ആക്രമണത്തില്‍ കൊല്ലപ്പെട്ട സാഹചര്യത്തിലാണ് യു.ഡി.എഫിന്റെ പ്രതിഷേധം. ചൊവ്വാഴ്ച രാത്രി അട്ടമലയിലും തിങ്കളാഴ്ച വൈകീട്ട് നൂല്‍പ്പുഴയിലും ഉണ്ടായ കാട്ടാന ആക്രമണത്തിലാണ് രണ്ടുപേര്‍ കൊല്ലപ്പെട്ടത്. 43 ദിവസത്തിനിടെ നാലുപേരാണ് വന്യമൃഗ ആക്രമണത്തില്‍ വയനാട്ടില്‍ മരിച്ചത്.
ഹർത്താലിൽ നിന്നും അവശ്യ സർവ്വീസുകൾ, പരീക്ഷ, വിവാഹം, പള്ളിക്കുന്ന് തിരുനാൾ എന്നിവയെ ഒഴിവാക്കിയിട്ടുണ്ട്. രാവിലെ 6 മുതല്‍ വൈകീട്ട് 6 വരെയാണ് ഹര്‍ത്താല്‍.